mr25tokyo يتيم قسم السيارات و الدراجات
عدد الرسائل : 346 العمر : 32 البلد : U.A.E دولة : مزاج : تاريخ التسجيل : 01/04/2008
| موضوع: جوهرة الشعر ملهمة العشاق الإثنين أبريل 28, 2008 1:45 pm | |
| جوهرة الشعر ملهمة العشاق
شفت الشعر يركض يطير فوسط صـدرك يرتمـي ياللي عرف للشعر قدره وارفعـه فـوق السحـاب *** بوجهك بدية بسمـة الأشـواق حيـن(ن) تبسمـي تزهر غصون الحب وسط القلب وترف الهضـاب *** يا ظبية(ن) تظبي فؤادي بحد طرف ( ا) مسمسمي ردي عليه الروح قبل ا تـروح واتسـوح ابغيـاب *** ظلـت طلولـك ظلـة الملهـوف عنـد المحتمـي طلت وطالـت طلتـك واتشعبـت بيـن الشعـاب *** نفس ابيـه تسكنـك منهـا سـرى العـز افدمـي مثل الحياه (ا)توزعت فعروق جسـم(ن) بانسيـاب *** أنت الفخر يـوم الفخـر تتفاخـر أهلـه وتستمـي أنت المجرة عاليـة تحـوي الكواكـب والشهـاب *** تفني الدفاتـر والمحابـر فـي وصفهـا وتعدمـي منهـا تشربنـا الأدب والشعـر فيهـا يستـطـاب *** حلـت حلـول امكرمـه يـوم البـلاد اتكـرمـي وفلـت فلـول امعـززه يـوم المـوادع والذهـاب *** يا ديرتي أنت الوطن وحن للوطـن اسـد اتحمـي أقوالنـا أفعالنـا لا بـانـت أنـيـاب الصـعـاب *** لاح الهـلال وهللـت نفسـي بشوفـه مرتـمـي حبها يطيـب نظرتـه قبـل يتـوارى بالحجـاب *** شمس(ن) سمت واتسامتت في الجو حيـن امغيمـي وحين اطلعت بين السحب عذب(ن) تهاوى بانسكاب *** فاحت زهور الفاغية مـن عقـب هـب الموسمـي واطايـرت أحزاننـا وطابـت بعاطرهـا الثيـاب *** والناس زاد احبورها وقت ارتـوى فيهـا الظمـي تجري الحياه فعروقها وتعزف ترانيـم (ن)عجـاب *** هذا الكرم مـن ربكـم للـرب حمـد(ن) ملزمـي الجود من رب الوجـود شكـره يفـرج للكـراب *** حنـا فخرنـا بالبلـد يـوم(ن) بلدنـا مسلـمـي ترعى الحرم وتفضل أهل الخير عن خلق الذئـاب *** لاحت نجوم السعد مـن ذكـر الشجـاع اللهذمـي يا حامي الجوهر بجوهر فعلـه العـدل الصـواب *** أعييت عن شكرك بلدك وعي فـي وصفـك فمـي أنت الـذي لـولاه كـان اليـوم أصبحنـا تـراب *** يا حامل البيرق حملـت العـز فـي ذا المعصمـي عزك لأهلك والوطن شي(ن) ثمين(ن) في الحساب *** خلـك رفيـع وطيـع ربـك واجتنـب للمأثـمـي تلقى المحبة من إلهك واحترامـك فـي الصحـاب *** يا سامع(ن)صوت الهدى اتبـع طريـق المغنمـي الناس حد درب الهدىيسلك وحـد درب الخـراب *** وحد منهمو خيره يعم النـاس وحـد دومـه عمـي مثل النحل في النفع وتلقي بعضهـم مثـل الذبـاب *** ومنهم عظيم النفس راقي الحس راعـي المكرمـي ومنهم مظاهر فاضيه تخدع مثـل غـي السـراب *** خذلك حكم من فم كبير(ن) فالحكـم فـي المهـرم من يسبقك يـوم( ا)بسنـه يفـرق بعقلـه واللبـاب *** هـذب كلامـك وافتكـر قبـل العـذر والمندمـي تسلم من آفات اللسان ( ا) تراه عند الوصـف داب *** أهديـك حكمـة خلهـا بيـن الحواجـب ترسمـي من يتقي المولى انفتح له نحو خير (ن) كـل بـاب *** واخفض جناح الذل عند الأهـل أصلـك وارحمـي تلقى إلهك راضي(ن) وتنال مـن فضـل الثـواب *** وانظم شعر مثـل الـدرر ساعـة صفـا ولتحكـم مبناه ومغناه ( ا) بوزن يغدو رصين(ن) ما يعـاب *** ما لذلي مثل الكتـب وصهـوة جـواد (ن)أدهمـي عزة ركوبه عزوتي وأفضل صديق عنـدي كتـاب *** ونسمة بدية فـي جـراح القلـب مثـل المرهمـي تشفي وصابه يرتدي عقب المشيب ثـوب الشبـاب *** فيها نظمت( ا)حروفها شعـر(ن) يفيضـه ملهمـي بالبا بدت لي صفحة الأمجـاد واقريـت الجـواب *** والـدال دام اسعودهـا كالنجـم بيـن الأنجـمـي عالي سطوعه ما اعتراه طول الدهر غيم واضباب *** واليـا يمينـي مـن ترابـك يـا بديـة تظرمـي نار المكـارم والمعالـم فخـر مرفـوع الجنـاب *** والها هواهـا فـار بـي وظليـت فيهـا مغرمـي شعري على قلبي زحف ومن فرط نار الشوق ذاب *** أنتي بديه جوهـره مـن نورهـا البحـر ايطمـي يزها بها تاج الشمس لا بان مـن خلـف الربـاب *** أنتي بديـه سولـع (ن) صـدري بهـواه متيمـي أبيض بعين مكحلـه والحـال منـه شـاب شـاب *** أنتي الوفـا لاهـل الوفـا فيـك الخلايـق تنعمـي فيك الحسن ألقى رحاله وطـاب لـه مـد الطنـاب *** أنـت المحبـه كلنـا بذكـرك محـب( ا) مهيمـي مشغوف ياظبي الجمال مسحور من سـود الهـداب *** فيك اشعروا ربعي وفاح( ا)شعورهـم بالأخزمـي شعر (ن) بديع بحره وسيع عذب يتسلسل كالرضاب *** كوس الحجاز يوم (ن) ذرت حلو الكلام ( ا) منظمي هزت رياحين المشاعر و( ا)زهرت أرض اليبـاب *** جاريتهـم بالشعـر ومثلـي منهـمـو يتعلـمـي ومنكم عذر ياهل الشعر إن بان في المنظوم عـاب | |
|
عاشـــ ميره ـــق يتيم القصص الواقعية
عدد الرسائل : 589 العمر : 32 البلد : الشارجه دولة : مزاج : تاريخ التسجيل : 08/04/2008
| موضوع: رد: جوهرة الشعر ملهمة العشاق الإثنين أبريل 28, 2008 2:39 pm | |
| | |
|
MiS.SeNioR.008 نائبة المدير
عدد الرسائل : 707 العمر : 33 البلد : امــــــاراتــيه وكـــلـي فـخــــــــر دولة : مزاج : تاريخ التسجيل : 16/04/2008
| موضوع: رد: جوهرة الشعر ملهمة العشاق الإثنين أبريل 28, 2008 9:05 pm | |
| mashko0r o0 ma89aaart 3al sh3r el7lo0 | |
|